Өскемен қаласының білім беру бөлімінің "Жүректен жүрекке" акциясының бұйрығы

«Жүректен жүрекке»

акциясын өткізу туралы

 «Шығыс Қазақстан облысының білім басқармасы» ММ-нің 27.02.2018 жылғы

№ 94 бұйрығы негізінде және 1 маусым – Балаларды қорғау күніне орайластырылған «Жүректен жүрекке» акциясын өткізу жөніндегі іс-шаралар жоспарын жүзеге асыру мақсатында ерекше білім қажеттіліктері бар балаларға, аз қамтылған және көпбалалы отбасынан шыққан балаларға, жетім балалар мен ата-ана қамқорлығынсыз қалған балаларға, ең төменгі күнкөріс деңгейінен төмен табыстары бар, ата-аналары мүгедек болып табылатын балаларға қолдау көрсету үшін БҰЙЫРАМЫН:

Қалалық әдістемелік кабинетке:

1.Акцияны өткізу үшін білім беру бөлімінен модераторлар болып мыналар тағайындалсын:

- ақпараттық-аналитикалық жұмыс жөніндегі әдіскері Н.Т. Капчикова– TYLEK.KZ сайтында өтінімдерді жинау үрдісі үшін;

- әлеуметтік жұмыс жөніндегі әдіскері С.К. Рысбекова - әлеуетті демеушілер, меценаттар іздеу, жоғары тұрған ұйымдарға аралық және қорытынды ақпараттарды ұсыну бойынша ақпараттық-түсіндіру жұмысы және акция өткізу үшін.

Білім беру ұйымдарының директорларына:

2.Ақпараттық-түсіндіру жұмысыжәне акцияның өткізілуі қамтамасыз етілсін.

3.Әлеуетті демеушілер, меценаттар іздеу бойынша жұмыс жүргізілсін.

4.Акцияны өткізу үшін жауапты тұлғалар тағайындалып, аралық және қорытынды ақпараттар ұсынылсын.

5.Акцияның барысы бұқаралық ақпарат құралдарында, мектеп сайтында жариялансын.

Осы бұйрықтың орындалуын бақылау өзіме қалдырылады.  

Өскемен қаласының білім беру

бөлімі басшысының м.а.                                                              Д. Ибраимова

Орынд.:С.Рысбекова

8(7232)26-89-06