2021-2022 оқу жылында 1-7 сынып оқушыларының Республикалық «Зерде» зерттеу жұмыстары мен шығармашылық жобалар конкурсының қорытындысы.

 Алаштың айтулы ақыны жырына қосқан, киелі мекен Щучье қаласы әдеттегі қалыбынан танбай еліміздің жас зерттеушілерін қуана қарсы алды. 2021-2022 оқу жылдың 9-11 ақпаны аралығында «Балдәурен» РОСО базасында 2-7 сынып оқушыларының зерттеу жобалары мен шығармашылық жұмыстарының XVII республикалық «Зерде» конкурсының қорытынды кезеңі өткізілді. Бұл сайысқа бағын сынауға еліміздің түкпір-түкпірінен 423 оқушы қатысып, 361 зерттеу жобасы талқыға түсті. 

Бүгінгі білім жарыстырар заманда ШҚО ББ Өскемен қаласы бойынша Білім бөлімінің «№ 46 орта мектебі» КММ-ның оқушылары мен ұстаздары да дәстүрлі сайыстардан қалыс қалып көрген емес. Білім ордасының 6-сынып оқушысы Нұрсадық Дәмелі қазақ тілі мен әдебиеті пәндерінің мұғалімдері Гүлназ Маликовна Исаханова мен Лаура Бақытқызы Елшибаевалардың жетекшілігімен «ШҚО ақындары поэзиясындағы «Тәуелсіздік» тақырыбы» атты ғылыми зерттеу жұмысын жүргізіп, бағын сынады. Нұрсадық Дәмелі ұстаздарының үмітін ақтап, алтын ұя мектебінің, облыстың намысын қорғап,   2-7 сынып оқушыларының зерттеу жобалары мен шығармашылық жұмыстарының XVII республикалық «Зерде» конкурсының республикалық кезеңінде 3-дәрежелі дипломмен марапатталып, қанжығасы майланды.