«46 мектеп» дебат клубы жұмысы қорытындысы

ШҚО білім басқармасы Өскемен қаласы бойынша білім бөлімінің 

“№46 орта мектебі” КММ

«46 мектеп» дебат клубы жұмысы қорытындысы

  Дебат клубының мүшелері

        Дебат -  оқушылардың көпшілік алдында тайсалмай сөйлеуін дамытып, өз позициясын жақтай алу өнері. Дебат арқылы біз жас жеткіншектерді өрлікке тәрбиелейміз. 2022-2023 оқу жылы мектебімізде «46 мектеп» дебат клубы жүйелі түрде жұмыс жасады. Оқу жылының бірінші жартысында дебат клубының спикерлері жиналысы өтіп, биылғы оқу жылына жоспар құрылып, алдағы сайыстарға дайындық ретінде бірнеше мектепшілік дебат ойыны жүргізілді. Тақырыбын клуб мүшелері өздері таңдап отырды. Бірінші жарты жылдықта дебат сайыстары қаламызда аз өткізілгенімен, мектепаралық бірнеше жолдастық кездесулер болып, мектеп командасы қатысып оң нәтиже көрсетіп отырды. Сонымен қатар, қала көлемінде диалог алаңының жаңа форматы TED-X тен оқушылар арасында бірнеше диалог алаңы өтіп, біздің оқушылар серитфикат және дипломмен марапатталды. Қалалық TED-X пікір сайыс алаңында Қырымқызы Диана марапатталды.Сондай–ақ  облыстық «Дарын»  орталығы өткізген облыстық пікір сайыс және көрініс сайысында  «Мәңгілік ел-ұмытылмас ел» конкурсында Асылбаева Жанерке және Ауганбаева Жансая 3 орын мен марапатталып, 50 000 тг сыйақы берілді. 2023 жылдың қаңтар айында өткен «Өрлеу» БАҰО орталығымен бірге ұйымдастырған  «Дарынды және қабілетті балалармен жұмыс жүйесі ұлттың интеллектуалды әлеуетін дамыту факторы» атты семинарда «Жетістіктің жемісі - дарындылықта» тақырыбында тарих пәні мұғалімі мектептегі «46 мектеп» дебат клубының жетекшісі Мусаипов Дастан Фархатұлы жүйелі жұмысын көрсетіп, облыс мұғалімдеріне іс-тәжірибемен бөлісті.