1-7 сынып оқушыларының зерттеу жұмыстары мен шығармашылық жобаларының «Зерде» республикалық конкурсын мектепішілік кезеңі қорытындысы.

1-7 сынып оқушыларының зерттеу жұмыстары мен шығармашылық жобаларының «Зерде» республикалық конкурсын мектепішілік кезеңі өтті. 
Конкурстың негізгі мақсаты балалардың зерттеу қызметінің дағдыларын дамыту, кіші және орта жастағы мектеп оқушыларының интеллектуалдық-шығармашылық әлеуетін ынталандыру болып табылады.  
Конкурстың негізгі міндеттері: - зерттеу жұмыстарына қызығушылық танытқан қабілетті және дарынды оқушыларды анықтау және оларға қолдау көрсету; - оқушылардың үздік жетістіктерін көрсету және насихаттау, өзара қарымқатынастарын ұйымдастыру; - қоғамның интеллектуалдық әлеуетін дамыту проблемасына көпшіліктің назарын аудару.   
Конкурсқа 1-7 сынып оқушыларының зерттеу жұмыстары келесі секциялар бойынша қабылданады: 1 секция - қазақ тілі мен әдебиеті; 2 секция - орыс тілі мен әдебиеті; 3 секция - математика, информатика; 4 секция - физика, техника; 5 секция - медицина, психология; 6 секция – тарих, өлкетану, этномәдениеттану; 7 секция - химия, биология; 8 секция - экология, валеология.
Мектепішілік кезеңге 32 жұмыс қорғалды, оның ішінде бір жұмыс бірлескен. Комиссия мүшелері тарапынан жоба жетекшілеріне ұсыныстар берілді. 22 ғылыми жұмыс қалалық кезеңге ұсынылды.