9-сыныптар арасында «Жеті жұрттың тілін біл» атты "Полиглот" интеллектуалды сайыс қорытындысы.
2022 жылдың 13 қыркүйек күні мектебімізде тілдер шеруі онкүндігі аясында 9-сыныптар арасында «Жеті жұрттың тілін біл» атты "Полиглот" интеллектуалды сайысы өтті. Мақсаты: оқушылардың қазақ, орыс және ағылшын тілі пәндерінен алған білімдеріне сүйене отырып танымдық көзқарастары мен тіл үйренуге деген қызығушылықтарын арттыру. Сайыс төрт кезеңнен тұрды. I-кезеңде оқушыларға қазақ, орыс, ағылшын тілі пәндерінен сұрақтар қойылып, білімдері тексерілді. II-кезеңде оқушылар сөйлемдегі жасырын сөзді тауып, оны үш тілге аударды. III-кезеңде оқушылар берілген жұмбақтың жауабын үш тілде айтты. Ал соңғы IV-кезеңде мақал - мәтелдің қазақша және орысша баламасын айтты. Сайыс өте мазмұнды өтті, оқушылар өткен тақырыптарды сайыс барысында қайталап, үш тілде (қазақ, орыс және ағылшын) сөйлеу дағдысын дамытты, жүйелі білімдерінің нәтижесін көрсете білді. Ағылшын тілі пәні мұғалімдері А.У Калиева және М.М Оразгалиева ұйымдастырған бұл шараның өскелен ұрпаққа берер тағылымы мол болды.
